Оспанова Мадина Капдрахманова — физика-математика ғылымдарының кандидаты, математикалық модельдеу, ғылыми сараптама, білім беру және ғылыми қызметті басқару, сондай-ақ ғылыми зерттеулерді редакциялық-баспа жағынан сүйемелдеу саласындағы сарапшы. Қазақстан Республикасының жоғары білім және ғылым жүйесінде көпжылдық жұмыс тәжірибесіне, тау-кен өндірісі мен металлургия саласында терең білімге, сондай-ақ ғылыми аттестаттау және ғылыми жарияланымдар сапасы мәселелерінде жоғары құзыретке ие.
1984 жылы С. М. Киров атындағы Қазақ мемлекеттік университетін «Қолданбалы математика» мамандығы бойынша бітіріп, математик біліктілігін алды. 1991 жылы С. М. Киров атындағы ҚазМУ аспирантурасына түсіп, 1994 жылы
«Оқу процесін математикалық модельдеу және жоспарлау» тақырыбында кандидаттық диссертациясын сәтті қорғап, физика-математика ғылымдарының кандидаты дәрежесін алды.
Кәсіби қызметін С. М. Киров атындағы Қазақ мемлекеттік университетінде (қазіргі әл-Фараби атындағы ҚазҰУ) инженер лауазымынан бастады, кейін жиырма жылдан астам уақыт мемлекеттік ғылыми және білім беру сараптамасы жүйесінде жұмыс істеді. 1992–1995 жылдары Қазақстан Республикасы Министрлер Кабинеті жанындағы Жоғары аттестаттау комитетінде ғылыми сарапшы және бас маман лауазымдарын атқарды.
1995–2005 жылдары ҚР ЖАК физика-математика, техника ғылымдары, Жер және Ғарыш ғылымдары бөлімінің бас сарапшысы болып жұмыс істеді. 2005–2010 жылдары ҚР БҒМ Білім және ғылым саласындағы қадағалау және аттестаттау комитетінде қызметін жалғастырып, бас сарапшыдан жаратылыстану және техникалық ғылымдар бөлімінің басшысына дейінгі жолдан өтті. 2010–2012 жылдары білім беру қызметін лицензиялау және сыртқы емтихандар басқармасын басқарып, білім беру бағдарламаларының сапасы мен мемлекеттік талаптарға сәйкестігі мәселелеріне жауап берді.
2012–2018 жылдары ҚР БҒМ Білім және ғылым саласындағы бақылау комитетінің ғылыми және ғылыми-педагогикалық кадрларды аттестаттау басқармасының бас сарапшысы болып жұмыс істеп, диссертациялық зерттеулер мен ғылыми жарияланымдарға сараптама жүргізуді қамтамасыз етті.
2018 жылдан бастап Мадина Капдрахманова кәсіби қызметі «Қазақ технология және бизнес университеті» АҚ-мен байланысты:
— жоғары оқу орнынан кейінгі білім беру жетекшісі (2018 ж.);
— ғылым, инновациялық технологиялар және сыртқы байланыстар жөніндегі проректор (2020 ж.);
— профессор-оқытушылар құрамының біліктілігін арттыру және қайта даярлау бөлімінің, редакциялық-баспа бөлімінің жетекшісі (2022 жылдан бастап);
— 2025 жылдан бастап — ғылыми-ақпараттық қамтамасыз ету бөлімінің жетекшісі және «ҚазТБУ хабаршысы» ғылыми журналының жауапты редакторы.
16-дан астам ғылыми еңбектің авторы, сондай-ақ
ГҚ № AP23488817 «Шеффе симплекстік тор сызбасын пайдалана отырып, оттегімен байытылған дәруменделген сусындар өндіру технологиясын әзірлеу» гранттық жобасының қатысушысы, онда ғылыми қызметкер функцияларын орындады.
Қазақстан Республикасының ғылымы мен білімін дамытуға қосқан елеулі үлесі үшін ҚР БҒМ құрмет грамоталарымен, «ҚР білім беру ісінің құрметті қызметкері», «ҚР ғылымын дамытуға сіңірген еңбегі үшін», «Ы. Алтынсарин» төсбелгілерімен, «Қазақстан Республикасының Тәуелсіздігіне 20 жыл» мерейтойлық медалімен және «Ерен еңбегі үшін» медалімен марапатталған.
